Türkmenistanyň Energetika Hartiýasynyň Konferensiýasyna başlyklyga saýlanmagy mynasybetli Bilim ministrliginiň hem-de Türkmenistanyň DIM-niň Halkara gatnaşyklary institutynyň bilelikde guramagynda maslahat geçirildi. Oňa Türkmenistanyň Prezidentiniň ýanyndaky institutynyň, ýurdumyzyň ýokary okuw mekdepleriniň professor-mugallymlary we talyp ýaşlary gatnaşdylar. Türkmenistanyň DIM-niň Halkara gatnaşyklary institutynyň okuw işleri boýunça prorektory Jumamyrat Gurbangeldiýewiň “Türkmenistan we global energetika bazary”, Halkara nebit we gaz uniwersitetiniň kafedra müdiri, professor Nurýagdy Suhanowyň “Türkmenistan we Energetika Hartiýasy: dünýä energetika bazarynda bähbitleriň sazlaşygy ”, Türkmenistanyň Prezidentiniň ýanyndaky Döwlet we hukuk institutynyň Döwlet gurluşynyň konistitusion esaslaryny ösdürmek bölümçesiniň başlygy Aýgözel Nurlyýewanyň “Energetika diplomatiýasynyň hukuk jähtleri” we beýlekileriň täsirli çykyşlary maslahatyň içinden eriş argaç bolup geçdi.
Mälim bolşy ýaly, gözel paýtagtymyz Aşgabatda Türkmenistanyň Energetika Hartiýasynyň Konferensiýasyna başlyklyga saýlanmagy bilen baglylykda , 2017-nji ýylyň 30-njy maýynda Energetika howpsuzlygyny we durnukly ösüşi üpjün etmek barada çarçuwaly ylalaşygy ýola goýmak bilen baglanyşykly Energetika Hartiýasyna gatnaşyjy ýurtlaryň wekilleriniň duşuşygy geçirilipdi. Maslahatda halkara energetika hyzmatdaşlygy mundan beýläk-de ösdürmek we pugtalandyrmak bilen baglanyşykly möhüm meseleler ara alnyp maslahatlaşyldy. Aşgabat duşuşygynyň dowamynda energetika pudagynda ekologiýa, energiýa serişdelerini tygşytly hem netijeli peýdalanmak, energiýa serişdeleriniň üstaşyr geçirilişini üpjün etmek, hukuk meselelerini çözmek bilen bagly meseleler dogrusynda oňyn çözgütler kabul edildi.
“Türkmenistanyň Energetika diplomatiýasy: Energetika Hartiýasy bilen hyzmatdaşlygyň ösdürilmegi” atly ylmy-amaly maslahat öz işini Türkmenistanyň Energetika diplomatiýasynyň esasy ugurlary, Agrar energetika howpsuzlygy üpjün etmekde Türkmenistanyň tutýan orny ýaly bölümçelerde öz işini dowam etdirdi.