Tapgyryň umumy aýratynlyklary:
Sanawda ýene biri: Şu möwsümde tapawutlanan futbolçylaryň sanawyna bu tapgyrda bir futbolçy goşuldy we sanaw 88-e çykdy.
11 gol: Tapgyrda derwezelere 11 gol geçirildi. Mundan öň 2, 7, 15 we 18-nji tapgyrlar 11 gol bilen tamamlanypdy.
88 futbolçy, 253 gol: Her futbolça 2,8 goldan düşýär.
«Şagadam» — «Turan» —3:1.
Gollar:
0:1, Ibragim Ibragimow 22’
1:1, Begenç Annagurbanow 57’
2:1, Begenç Annagurbanow 72’
3:1, Mämmedaly Karadanow 90’.
Iki toparda 6 gol: Möwsümdäki 6-njy goluny geçiren Mämmedaly Karadanow şu möwsümde iki toparda tapawutlanan futbolçylaryň hataryna girdi. Mälim bolşy ýaly, ol çempionatyň birinji ýarymynda «Balkanda» çykyş edipdi.
Bir meýdanda 24 gol: Şu ýyl öz meýdanynda garşydaşlaryna 24 gol geçiren «Şagadam», häzirlikçe, öz meýdanynda kän gol geçiren topardyr.
«Şagadamyň» iň gowy 15-liginde: Şu tapgyrdaky dubly bilen Begen Annagurbanow «Şagadamyň» düzüminde 2013-nji ýyldan bäri iň kän gol geçiren 15 futbolçynyň biri boldy. Indi onuň «kenarlylaryň» hatarynda 4 goly bar.
280-nji ýeňiş: Şu tapgyrda gazanylan ýeňiş «Şagadamyň» Ýokary ligadaky 280-nji ýeňşidir.
«Merw» — «Energetik» — 2:2.
Gollar:
0:1, Guwanç Abylow 4’
1:1, Rustam Mätryzaýew 27’
1:2, Alibek Abdurahmanow 40’
2:2, Perman Hallyýew 90’.
25 tapgyr — 30 gol: «Energetik» şu möwsümde garşydaş derwezelere 30 gol geçiren bäşinji topar boldy.
Hallyýew «Merwiň» iň gowy 10-lugynda: «Merwiň» düzüminde altynjy goluy geçiren Perman Hallyýew bu topar bilen 2013-nji ýyldan bäri iň kän gol geçiren futbolçylaryň 10-lugyna girdi.
Alibekden 10 gol: Alibek Abdyrahmanow «Energetigiň» düzüminde Ýokary ligadaky 10-njy goluny geçirdi.
120 utuk: «Energetik» Ýokary ligadaky üçünji möwsüminde 120-nji utugyny gazandy.
«Balkan» — «Aşgabat» — 0:1.
Gol:
0:1, Mekan Saparow 72’ (ö.d.)
«Aşgabat» bäşinji orunda: Indi ençeme tapgyr bäri altynjy orundan ýokary galyp bilmeýän «Aşgabat» bu tapgyrdaky ýeňşi we «Energetigiň» utuk ýitirmegi bilen, bäşinji orna geçdi.
«Köpetdag» — «Altyn asyr» — 0:2.
Gollar:
0:1, Arslanmyrat Amanow 47’
0:2, Selim Nurmyradow 57’.
Ýokary ligada 20-nji gol: Şu tapgyrdaky gol Selim Nurmyradowyň Ýokary ligadaky 20-nji goludyr. Özem ol şol gollaryň 19-syny «Altyn asyryň» düzüminde oýnaýarka geçirdi.
Myhmançylykda — iň gowusy: Şu möwsümde myhmançylykda geçiren duşuşyklarynda 6-njy ýeňşini gazanan «Altyn asyr» bu babatda ähli garşydaşlaryny yzda galdyrdy. Hatda ýaryşyň öňdebaryjysy «Ahalyňam» myhmançylykdaky oýunlarynda 5 ýeňşi bar.
100-den geçdi: Şu tapgyrdaky Arslanmyrat Amanowyň goly «Köpetdagyň» derwezesine Ýokary liga täzeden gaýdyp gelensoň geçirilen 100-nji goldur.
«Ahal» — dynç alyş.
