Ministler Kabinetiniň we Döwlet howpsuzlyk geňeşiniň 4-nji awgustda geçirilen bilelikdäki mejlisinde Mejlisiň Başlygy A.Nurberdiýewa milletiň Liderine şu ýylyň 7 aýynda milli Parlamentiň ýerine ýetiren işleri, Ýaşulularyň nobatdaky maslahatyna görülýän taýýarlyk barada habar berdi.
Ýurdumyzyň jemgyýetçilik-syýasy durmuşynda Ýaşulular maslahatynyň ornuna ünsi çekip, döwlet Baştutany maslahatyň ýokary guramaçylyk derejesini üpjün etmek boýunça ähli zerur çäreleriň görülmelidigini belledi.