Şu günler Türkmenistanyň futzal boýunça zenanlar ýygyndysy Belarus Respublikasynyň paýtagty Minsk şäherinde okuw-türgenleşigini geçýär. Türgenleşikde öwrenilenler ýoldaşlyk duşuşyklarynda synagdan geçirilýär. Tejribeli tälimçi Kamil Mingazowyň şägirtleri 11-nji iýulda Minsk şäheriniň «Slawýanka» zenanlar futzal topary bilen ýoldaşlyk duşuşygyny geçirdiler. Duşuşyk 4:4 hasabyndaky deňlik bilen tamamlandy. Gazanylan deňlige Mariýa Çaryýewa üç, Ýewgeniýa Spirina bir gol bilen goşant goşdy.
Minsk şäherinde Ýapyk binalarda we söweş sungaty boýunça V Aziýa oýunlaryna taýýarlyk görýän türkmenstanly futzalçy gyzlaryň mundan ozalky geçiren üç ýoldaşlyk duşuşygy-da deňlikde tamamlanypdy.
