Türkmen samboçylarynyň nobatdaky üstünligi

14:4203.07.2017
0
660
Türkmen samboçylarynyň nobatdaky üstünligi

Özbegistanyň paýtagty Daşkent şäherinde geçirilen sport we söweş sambosy boýunça Aziýa çempionatynda türkmen türgenleri altyn medallaryň ikisine, kümüş medallaryň üçüsine hem-de bürünç medallaryň altysyna mynasyp boldular.

Hormat münberiniň ýokarky basgançagyna Muminjan Arzikulow (agram derejesi 62 kilograma çenli) hem-de Läle Nuryýewa (72 kilograma çenli) çykdylar. Amina Niýazowa (44 kilograma çenli), Tawus Geldimyradowa (56 kilograma çenli) hem-de Babajan Iwadullaýew (100 kilograma çenli) ikinji orna mynasyp boldular.

Bürünç medallary Allanur Çaryýew (52 kilograma çenli), Parahat Bäşimow (82 kilograma çenli), Narmyrat Taňňyrberdiýew (90 kilograma çenli), Rejepnur Agaýew (57 kilograma çenli), Döwletmyrat Çeppäýew (74 kilograma çenli) hem-de Mähri Akmyradowa (60 kilograma çenli) gazandylar.

Ýeri gelende ýatlatsak, sambo Ýapyk binalarda we söweş sungaty boýunça V Aziýa oýunlarynyň maksatnamasyna girýär. Şonuň üçin türkmen türgenleriniň gazanan üstünlikleri olaryň şu ýyl geçiriljek esasy ýaryşlara taýýardygyna aýdyň şaýatlyk edýär.

Eger-de siz sözlemde harp ýalňyşy gören bolsaňyz, şol sözi saýlap Ctrl+Enter basyň

Meňzeş täzelikler
Teswirler
Teswir ýazmak üçin içeri giriň ýa-da registrasiýa boluň