Umumy hasaplamalar:
18 futbolça 25 pökgi: Futbol boýunça Türkmenistanyň Kubogy ugrynda geçirilýän şu ýylky ýaryşda çärýek finalyň ilkinji duşuşyklaryndan soň, derwezelere jemi 25 pökgi girizildi. Olar 18 futbolça degişlidir.
«Daşoguzdan» başga her kim öz paýyny aldy: Şu ýylky Kubok ýaryşynda garşydaş derwezä pökgi girizip görmedik ýeketäk topar «Daşoguzdyr».
"Ahal" 3 — 1 "Balkan"
Gollar:
0:1, Aleksandr Boliýan 32’
1:1, Orazmuhammet Işangulyýew 45’
2:1, Altymyrat Annadurdyýew 45+2
3:1, Altymyrat Annadurdyýew 89’
«Ahal»: çärýek finalyň birinji duşuşygyndan soň, kubok ugrundaky ýaryşdan käbir sanlar:
— Türkmenistanyň Kubogynyň soňky eýesi bu ýaryşda jemi 41 duşuşyk geçirdi;
— «Ahal» geçiren duşuşyklarynyň 13-sinde ýeňiş gazandy, 20-sinde utuldy, 8 duşuşyk bolsa deňlik bilen tamamlandy.
— «Ahal» Kubok ýaryşlarynda garşydaşlarynyň derwezesine 50 pökgi geçirdi, öz derwezesine bolsa 64 pökgi goýbertdi.
— 2013 we 2014-nji ýyllarda Türkmenistanyň Kubogyna mynasyp boldy.
Türkmenistanyň Kubogyndaky ilkinji duşuşygynda: «Ahalyň» hüjümçisi Türkmenistanyň Kubogy ugrundaky ýaryşda geçiren ilkinji duşuşygynda iki gezek tapawutlandy.
Iki ýyldan bäri: «Ahal» Türkmenistanyň Kubogyna soňky iki ýyldan bäri ýeňiş bilen başlaýar. Topar geçen ýyl hem ýaryşa çärýek finaldan goşulyp, ilkinji duşuşykda «Daşoguzdan» 4:0 hasabynda üstün çykypdy.
«Balkan»: çärýek finalyň birinji duşuşygyndan soň, kubok ugrundaky ýaryşdan käbir sanlar:
— Bu duşuşyk «nebitçileriň» Kubok ýaryşlarynda geçirilen 101-nji duşuşygydyr.
— «Balkan» Kubok ugrundaky ýaryşlarda 57 gezek ýeňiş gazandy, 31 gezek utuldy. Toparyň geçiren 13 duşuşygy bolsa deňlik bilen tamamlandy.
— «Balkan» Kubok ýaryşlarynda garşydaşlarynyň derwezesine 197 pökgi geçirdi, öz derwezesine bolsa 116 pökgi goýbertdi.
«Ahal» Kubok ýaryşlarynda garşydaşlarynyň derwezesine 50 pökgi geçirdi, öz derwezesine bolsa 64 pökgi goýbertdi.
— Topar 2003, 2004, 2010 we 2012-nji ýyllarda Türkmenistanyň Kubogyna mynasyp boldy.
Ýene geçen ýylky ýaly: «Balkan» geçen ýylam Kubok ýaryşyna çärýek finaldan gatnaşyp başlapdy. Geçen ýylam ilkinji duşuşygyny Aşgabatda geçirip, onda-da ýeňlipdi. Ýöne toparyň geçen ýylda çärýek finaldaky garşydaşy «Aşgabatdy». Ýene bir tapawut: «Balkan» geçen ýyl çärýek finalyň birinji duşuşygynda pökgi geçirip bilmändi, ýöne özi bir gol goýberdipdi. Bu ýyl bolsa derwezesine 3 gol goýberdip, özi bolmanda bir jogap pökgüsini salmagy başardy.
HTTU 1 — 3 "Altyn Asyr"
Gollar:
0:1, Süleýman Muhadow 48’
0:2, Süleýman Muhadow 59’
0:3, Umidjan Astanow 83’ (pen.)
1:3, Nurýagdy Muhammedow 89’
HTTU: çärýek finalyň birinji duşuşygyndan soň, kubok ugrundaky ýaryşdan käbir sanlar:
— Şu duşuşyk HTTU-nyň Kubok ýaryşlarynda geçiren 51-nji duşuşygydyr.
— HTTU Türkmenistanyň Kubogynda 19 gezek ýeňiş gazandy, 17 gezek utuldy. Toparyň 15 duşuşygy deňlik bilen tamamlandy.
— Türkmenistanyň Kubogyndaky pökgi gatnaşygy HTTU-nyň peýdasyna: 71 — 64.
— HTTU Türkmenistanyň Kubogyna 2006 we 2011-nji ýyllarda mynasyp boldy.
Ýene...
şol garşydaşlar: HTTU bilen «Altyn asyr» geçen ýyl hem çärýek finalda duşuşypdylar. Bir tapawudy, geçen ýyl birinji duşuşyk «Altyn asyryň» meýdanynda geçipdi.
şowsuz başlangyç: HTTU geçen ýyl hem çärýek finalyň ilkinji duşuşygynda utulypdy.
«Altyn asyr»: çärýek finalyň birinji duşuşygyndan soň, kubok ugrundaky ýaryşdan käbir sanlar:
— Geçen ýyl Kubok ýaryşyny çärýek finalda tamamlan soňky çempion bu ýaryşda jemi 30 gezek ýaşyl meýdana çykdy.
— «Aragatnaşykçylar» Kubok ýaryşynda 14 ýeňiş gazanyp, 6 gezek ýeňildi. Olar 10 duşuşygy deňlik bilen tamamladylar.
— «Altyn asyr» Türkmenistanyň Kubogynda jemi 62 pökgi geçirip, öz derwezesine 35 pökgi goýbertdi.
— «Altyn asyr» Türkmenistanyň Kubogyna 2009-njy ýylda mynasyp boldy.
Ýene başy şowly: «Altyn asyr» bu ýylam Kubok ýaryşyna şowly başlady. Geçen ýylkydan tapawutlykda, bu ýyl toparyň pökgi artykmaçlygy hem uly. Üstesine-de uly artykmaçlyk bilen gazanylan ýeňiş myhmançylykda geçirilen oýunda geldi.
Muhadow — her ýyl bir toparda: Süleýman Muhadow geçen ýyl hem Türkmenistanyň Kubogy ugrundaky ilkinji duşuşygynda tapawutlanmagy başardy. Ýöne geçen ýyl HTTU-nyň, bu ýyl «Altyn asyryň» düzüminde. Has täsin tarapy bolsa Süleýman geçen ýyl hem pökgini duşuşygyň ikinji ýarymynda (54-nji minutda) geçirdi.
"Hazyna" 3 — 2 "Aşgabat"
Gollar:
1:0, Guwanç Abylow 5’
2:0, Gurban Annaýew 16’
3:0, Didar Durdyýew 27’
3:1, Ruslan Kurbanow 60’ (pen.)
3:2, Pirmyrat Gazakow 80’
«Hazyna»: çärýek finalyň birinji duşuşygyndan soň, kubok ugrundaky ýaryşdan käbir sanlar:
— «Hazyna» Türkmenistanyň Kubogynda bary-ýogy 3 duşuşyk geçirdi. Şolaryň 2-sinde ýeňdi, birinde asgyn geldi.
— Topar Kubok ýaryşlaryna garşydaş derwezelere 6 pökgi geçirip, öz derwezesine-de şonda pökgi goýbertdi.
— «Hazyna» entek Türkmenistanyň futbol Kubogyna mynasyp bolup görenok.
«Aşgabat»: çärýek finalyň birinji duşuşygyndan soň, kubok ugrundaky ýaryşdan käbir sanlar:
— «Aşgabat» bu ýaryşda jemi 26 duşuşyk geçirdi;
— «Aşgabat» geçiren duşuşyklarynyň 10-synda ýeňiş gazandy, 12-sinde utuldy, 4 duşuşyk bolsa deňlik bilen tamamlandy.
— «Aşgabat» Kubok ýaryşlarynda garşydaşlarynyň derwezesine 28 pökgi geçirdi, öz derwezesine bolsa 32 pökgi goýbertdi.
— «Aşgabat» entek Türkmenistanyň futbol Kubogyna mynasyp bolup görenok.
Gol bolçulygy: Bu duşuşyk «Türkmenistanyň Kubogy — 2015-iň» iň köp golly duşuşygy boldy.
Her kime birde: Bäş golly duşuşykda iki gezek tapawutlanyp bilen ýekeje futbolçy hem ýok.
Şu ýylky ýaryşyň ilkinji jerime urgusy: Ruslan Kurbanow «Türkmenistanyň Kubogy — 2015-iň» ilkinji 11 metrlik jerime urgusyny dürs ýerine ýetirdi.
Her ýyl bir toparda: Didar Durdyýew bilen Ruslan Kurbanow geçen ýylam çärýek finalyň birinji duşuşygynda tapawutlanypdylar. Ýöne Didar geçen ýyl «Altyn asyryň» düzüminde HTTU-nyň derwezesine pökgi geçiripdi.
Bellikler:
1 — Çärýek finalyň bir duşuşygy 29-njy awgustda geçirilipdi:
"Şagadam" — "Energetik" 1:0 (1:0)
1:0, Hemra Amanmämmedow 53’
2 — Çärýek finalyň jogap duşuşyklary 19-njy sentýabrda geçiriler.