TÜRKVISION — 2014: “türk dünýäsiniň altyn sesiniň” eýeleri belli boldy

0
18286

Kazanda “Kazan — 2014-nji ýylda türk dünýäsiniň medeni paýtagty” atly çäreleriň ýapylyş dabarasynyň çäklerinde “Turkvision — 2014” II Halkara aýdym bäsleşiginiň final bölegi tamamlandy. Oňa göni ýaýlymda bütin dünýäde 300 million tomaşaçy tomaşa etdi.



Iri telewizion bäsleşige 25 ýurtdan, şol sanda Türkmenistandan, Bosniýa we Gersegowinadan, Makedoniýadan, Ukrainadan, Moldowadan, Gruziýadan, Başgyrdystandan, Tywadan, Özbegistandan, Gyrgyzystandan, Azerbaýjandan, Gazagystandan, Eýrandan, Germaniýadan, Türkiýeden, Tatarystandan aýdymçylar gatnaşdylar.



Emin agzalary “Türk dünýäsiniň altyn sesine” gazagystanly Žanar Dugalowany mynasyp gördüler. Ol 225 ball toplady. Ž. Dugalowa öz ýurdunda giňden tanalyp, aýdym aýdýar, goşgy ýazýar we kinoda surata düşýär.



Bäsleşigiň ikinji orny 201 ses alan tatarystanly aýdymçy Aýdar Süleýman eýeledi. Üçünji ýere 199 ses alan Başgyrdystan Respublikasyna wekilçilik edýän “ZAMAN” etno-şüweleň-taslamasy mynasyp boldy.



25 ýarym finalçydan 15 aýdymçy finala çykdy. Olaryň arasynda öz egin-eşigi bilen haýran galdyran türkmenistanly Züleýha Kakaýewa hem bardy. Alyp baryjynyň “Bularyň näçe agramy bar?” diýen ilkinji sowalyna berlen jogap geň galdyrdy.Görlüp oturylsa, egin-eşikleriň 36 kg agramy bar eken.



Ýarym final we final dünýäniň 40 töweregi teleýaýlymlary tarapyndan alnyp görkezildi.



Bäsleşigiň ýeňijisini we oňa gatnaşan aýdymçylaryň ählisini Tatarystan Respublikasynyň Prezidenti Rustam Minnihamow, TÜRKSOÝ-yň baş sekretary Dýusen Kaseinow we Türkmenistanyň medeniýet ministri Annageldi Garajaýew gutladylar.



Täze ýylda bäsleşik Türkmenistanda geçiriler, çünki “Türk dünýäsiniň medeni paýtagtynyň” hukugy dabaraly ýagdaýda Kazandan Mary şäherine geçirildi. 


Giňişleýin maglumat uçin: http://www.odnoklassniki.ru/profile/559916463342/statuses/63068903345134
Teswirler
Teswir ýazmak üçin içeri giriň ýa-da registrasiýa boluň
Meňzeş makalalar