Ýene bir 16 golly tapgyr: Mundan ozal şu möwsümde 7 tapgyr 16 gol bilen tamamlanypdy. 22-nji tapgyr hem bu sanawa sekizinjilik bolup goşuldy. Tapgyrda geçirelen şunça pökginiň diňe biri 11 metrlik jerime urgusyndandyr.
Meýdanam, utugam öý eýeleriniňki: Şu tapgyr-a şeýle boldy. Bäş duşuşygyň üçüsinde meýdan eýeleri ýeňiş gazandy, biri myhmanlaryň ýeňşi bilen tamamlandy. Bir duşuşykda bolsa hasaby açmak garşydaşlaryň hiç birine-de başartmady.
469 gol: Şu tapgyrdan soň Ýokary liganyň 23-nji möwsüminde derwezelere geçirilen pökgüleriň sany 469-a çykdy.
«Altyn asyr» 2:1 «Merw»
Gollar:
0:1, Toýly Goçnazarow 55’
1:1, Ahmet Ataýew 63’ (11 m.j.u.)
2:1, Şöhrat Söýünow 74’.
Kapitanyň 10-njy goly: Meýdanda «Altyn asyra» başarjaňlyk bilen ýolbaşçylyk edýän kapitan Ahmet Ataýew tapawutlanmakda hem ýoldaşlaryna görelde görkezýär. Şu tapgyrda A.Ataýew möwsümdäki 10-njy goluna adyny ýazdyrdy.
8 onluk dolduryldy: Çempion bolandygyna garamazdan, «Altyn asyryň» bady gowşamaýar. «Aragatnaşykçylar» şu ýeňiş bilen möwsümde gazanan utuklarynyň sanyny 80-e tegelediler.
7 onluk dolduryldy: Indi gürrüň «aragatnaşykçylaryň» diňe şu möwsümde geçiren gollarynyň sany barada barýar. Şu tapgyrdan soňra, «Altyn asyr» garşydaş derwelerden jemi 70 gol geçirip, möwsümde 70 gola ýeten ikinji topar boldy.
«Hazyna» 6:1 «Aşgabat»
Gollar:
1:0, Güýçmyrat Annagulyýew 12’
2:0, Didar Durdyýew 51’
3:0, Didar Durdyýew 56’
4:0, Kemal Gurbanow 60’
4:1, Berdi Şamyradow
5:1, Guwanç Abylow
6:1, Begenç Akmämmedow.
Şamyradow 20-nji goluny geçirdi: Tejribeli hüjümçi Berdi Şamyradow şu tapgyrda möwsümdäki 20-nji goluny geçirdi.
Durdyýew iň netijelileriň bäşliginde: Möwsümde geçiren pökgüleriniň sanyny 18-e çykaran Didar Durdyýew ýylyň iň netijeli futbolçylarynyň sanawynda ilkinji bäşlige girmegi başardy.
«Hazynanyň» ýene bir sepgidi: Şu tapgyrdan soňra «Hazyna» garşydaş derwezelere jemi 52 gol geçirip, möwsümde 50 gol geçiren altynjy topar boldy.
Tapgyryň gollarynyň ýarysyna golaýy: Jemi 7 golly bu duşuşyk iň kän golly duşuşyklaryň bäşligine girdi. Mundan öň 7 golly iki oýun bar. Onuňam biri HTTU-Aşgabat duşuşygydyr. Şol duşuşykda hem «Aşgabat» HTTU-dan 3:4 hasabynda asgyn gelipdi.
«Hazyna» ikinji orunda: Ýagny öz meýdanyňda kän pökgi geçirmekde... Şu tapgyrdan soňra «Hazyna» öz meýdanynda garşydaş derwezelere jemi 37 pökgi geçirdi. Bu bolsa çempionatyň lideri «Altyn asyryň» görkezijisinden hem gowudyr.
«Ahal» 1:3 «Şagadam»
Gollar:
0:1, Hemra Amanmämmedow
0:2, Azat Garajaýew
1:2, Mihail Titow
1:3, Azat Garajaýew.
Ahyrsoňy: Möwsümdäki «Ahal» — «Şagadam» duşuşyklarynyň ikisi hem 1:1 hasabyndaky deňlik bilen tamamlanypdy. Iki deňlikden soň, «Şagadam» ahyrsoňy üstünligi öz eline aldy.
Goragçynyň ikinji goşasy: Tejribeli goragçy Azat Garajaýew şu möwsümde eýýäm ikinji gezek bir oýunda iki gezek tapawutlanýar.
50-den geçdi: Ýagny, möwsümde «Ahalyň» öz derwezesine goýberden gollarynyň sany 51-e çykdy. Indi «Ahal» şu möwsümde 50-den kän gol geçirden dördünji topardyr.
HTTU 1:1 «Energetik»
1:0, Nurýagdy Muhammedow 3’
1:1, Artýom Nikitenko 18’.
Ýene deňlik: HTTU şu möwsümde öz meýdanynda «Energetigi» ýeňip bilmedi. Iki duşuşyk hem deňlik bilen tamamlandy.
10-njy deňlik: Möwsümiň «deňlikçileriniň» biri bolan «Energetik» 10-njy deňligini gazandy.
«Daşoguz» 0:0 «Balkan»
Garaşylan topardan garaşylmadyk netije: «Balkan» şu möwsümde ilkinji gezek «Daşoguz» bilen deňlik hasapda duşuşyk geçirdi.
Iki topar üçin hem täzelik: Bu duşuşyk iki toparyň hem şu ýylky oýunlarynda 0:0 hasabynda tamamlanan ilkinji duşuşykdyr.