Türkmenistanyň Prezidenti Gurbanguly Berdimuhamedow nobatdaky Ministrler Kabinetiniň mejlisinde esasy maliýe resminamasy işlenip düzülende, ileri tutulýan ulgamlary ösdürmäge gönükdirilen taslamalary maliýeleşdirmäge aýratyn üns berdi.
Türkmenistanyň Prezidentiniň Permany esasynda 2016-njy ýylyň 1-nji ýanwaryndan Türkmenistanda zähmet haklarynyň, pensiýalaryň, döwlet kömek pullarynyň, talyp we diňleýji haklarynyň möçberiniň 10 göterim ýokarlandyrylmagy göz öňünde tutulýar. Öňki ýyllarda bolşy ýaly, maliýe serişdeleriniň ep-esli bölegi milli, döwlet, sebit we pudak maksatnamalarynda kesgitlenen wezipeleri üstünlikli çözmäge gönükdiriler.