Türkmenabat şäheriniň “Bitaraplyk” seýilgähi abadanlaşdyryş işlerine taýýarlanýar — diýip, Türkmenistanyň Döwlet habarlar agentligi belläp geçýär.
Bu işleri geçirmek üçin Lebap welaýatynyň häkimligi konsorsiumyň düzümine girýän “Ferhar” we “Kerwengurluşyk” hojalyk jemgyýetleri bilen şertnama baglaşdy. Olara ýanaşyk ýerleri, seýilgähiň çägindäki restorany dükany we garbanyşhanany abadanlaşdyrmagyň taslamasynda tä gurluşygyna çenli doly iş toplumy ynanyldy.
Gurluşyk işlerine maýda başlanar. Eýýäm şu ýylyň iýunynda desgany doly taýýar edip, ulanylyşa tabşyrmak bellenilýär.
