Paýtagtymyzyň „Aşgabat“ sport toplumynda „Sagdynlyk we bagtyýarlyk“ atly köpçülikleýin bedenterbiýe-sport we sagdyn durmuş-medeni çäreleriň biraýlygynyň tamamlanmagy mynasybetli şeýle hem bu ýerde „Türkmenistan — ruhubelentligiň we sagdynlygyň ýurdy“ atly VI sport ýaryşlarynyň ýeňijileriniň sylaglanyş dabarasy geçirildi. Bu çäräniň çäklerinde aýdym-sazlar, görkezme çykyşlary ýaýbaňlandyryldy.
Şu gezek bu biraýlygyň meýilnamasyna laýyklykda dürli çäreler geçirildi. Olaryň hatarynda ylmy-amaly maslahatlar-da, sportuň dürli görnüşleri boýunça ýaryşlardyr görkezme çykyşlar-da boldy. Sportuň dürli görnüşleri boýunça Türkmenistanyň çempionaty, birinjiligi, şeýle hem „Türkmenistan — ruhubelentligiň we sagdynlygyň ýurdy“ atly VI sport ýaryşlarynyň jemleýji tapgyrlary geçirildi. Biraýlygyň dowam edýän günlerinde „Aziada— 2017 we Türkmenistanyň ösüşiň hem-de parahatçylygyň bähbidine sportda tutýan orny“ atly halkara maslahaty geçirildi.
Türkmenistanyň Prezidenti Gurbanguly Berdimuhamedowyň Kararyna laýyklykda ýurtda „Sagdynlyk we bagtyýarlyk“ atly köpçülikleýin bedenterbiýe-sport we sagdyn durmuş-medeni çäreleriň biraýlygy geçirilýär.