Türkmenistanda elektrik energiýasynyň öndürilişini şu ýyl 21,9 milliard kilowat-sagada, eksportyny bolsa 2,89 milliard kilowat-sagada ýetirmek göz öňünde tutulýar.
Ýurduň energoüpjünçiligini gowulandyrmak we elektrik energiýasynyň eksportynyň möçberlerini artdyrmak boýunça işler dowam etdiriler.
Şu maksat bilen, 2015-nji ýylda Lebap welaýatynyň Watan we Zergär gazturbinaly elektrik stansiýalarynyň gurluşygyna girişmek hem-de Ahal welaýatynyň Derweze etrabynda 504,4 megawat kuwwatlykdaky elektrik stansiýasynyň gurluşygyny tamamlamak bellenildi.
Elektroenergetika Türkmenistanyň ykdysadyýetiniň esasy pudaklarynyň biri bolup durýar. Häzirki wagtda türkmen elektroenergiýasyny Owganystan, Eýran we Türkiýe satyn alýar.