Türkmenistanyň Daşary işler ministrliginde iş sapary bilen Aşgabada gelen Sport guramalarynyň halkara konfederasiýalarynyň prezidenti Boris Rogatin bilen duşuşyk geçirildi. Bu barada Türkmenistanyň DIM-niň metbugat gullugy habar berýär.
Duşuşygyň barşynda halkara sport ýaryşlaryna gatnaşmagyň meseleleri boýunça pikir alyşmalar boldy, şeýle-de, sport ulgamynda hyzmatdaşlyk etmegiň gelejegi uly ugurlary ara alnyp maslahatlaşyldy.
Taraplar Türkmenistanda GDA gatnaşyjy döwletleriň halkara sport oýunlaryny geçirmegiň meselelerine aýratyn üns berdiler.