Türkmenistanyň Hindistandaky ilçihanasy Jawaharlal Neru adyndaky uniwersitetiň ýanyndaky Ýüpek ýoly barlag maksatnamasy bilen bilelikde “2015-nji — Bitaraplyk we parahatçylyk ýyly: Türkmenistan we Hindistan — Ýüpek ýoly sebitinde parahatçylygyň we ösüşiň hatyrasyna” şygary astynda halkara maslahatyny geçirdi.
Maslahatyň işine belli türkmen we hindi alymlarynyň, syýasy synçylarynyň, taryhçylaryň 40-dan gowragy gatnaşdy.
Çärede çykyş edenler Türkmenistanda yglan edilen Bitaraplyk we parahatçylyk ýyly, şeýle hem energetika howpsuzlygy, ulag-kommunikasiýa meseleleri barada gürrüň berdiler.
Maslahat bilen ugurdaş türkmen ilçihanasy fotosuratlarynyň we amaly-haşam sungatynyň sergisini gurady, ol çärä gatnaşyjylar hem myhmanlar tarapyndan ýokary baha mynasyp boldy.
Maslahatda türkmenistanly sungat ussatlarynyň baýramçylyk konserti we dabaraly kabul edişlik bilen tamamlandy.
