Aşgabat, 24.02.2015. “Türkmenportal”
Türkmenistanyň Medeniýet ministrligi bilen ABŞ-nyň Türkmenistandaky ilçihanasynyň bilelikde guramagynda geçirilýän fotosergi 23-nji fewralda öz işine başlady.
Türkmenistanyň paýtagtyndaky Şekillendiriş sungaty muzeýinde dowam edýän fotosergi tanymal fotograf Dario Kalmesiň gatnaşmagynda geçirilýär.
Afroamerikan taryhynyň biraýlygyna bagyşlanan bu medeni çäräniň 27-nji fewralda ýapylyşy bolar.
Meşhur alym we taryhçy Karter Wudson tarapyndan 1926-njy ýylda afroamerikan taryhynyň hepdeligi esaslandyrylýar.
1976-njy ýylda ABŞ-nyň 200 ýyllyk baýramy bellenilip, şol ýylda bu hepdelik biraýlyga öwrülýär. Indi 30 töweregi wagt bäri dünýä ýurtlarynda afroamerikan taryhynyň biraýlygy geçirilip gelinýär. Soňky ýyllarda bu çäre Türkmenistanda-da yzygidelri guralýar.