Aşgabat, 23.02.2015. “Türkmenportal”.
Aşgabatda soňky üç günde ygalyň 2 aýlyk normasy ýagdy.
Diňe fewralyň 21-nden 22-sine geçilen gijede düşen ygal aýlyk norma deň boldy.
Bolluk bilen ýagan bu aýda ähli rekordlary täzeledi. 2015-nji ýylyň fewraly iň bolmanda soňky 78 ýylyň içinde iň ygally aý boldy.
Öň bu rekord 1978-nji ýyla degişlidir.
Häzirki wagtda eýýäm ygalyň 3,6 aýlyk normasy ýagdy we bu möçber artmagyny dowam etdirýär.
Bu bahar Köpetdagyň eteginde bol otly öri meýdanlaryny, ýerasty suwlaryň ep-esli ätiýaçlygyny, dagýaka zolakdaky suw howdanlarynyň üstüniň ýetirilmegini, düme galla ekinleriniň bol hasylyny wada berýär.