Aşgabat, 22.02.2015. «Türkmenportal».
«21-nji fewralda «Wolgar» (I liganyň komandasy) Türkiýede nobatdaky barlag oýnuny geçirdi. Astrahanlylar Türkmenistanyň güýçli komandasy – ýurduň birnäçe gezek çempiony “Balkan” bilen duşuşdylar. Garşydaşymyz özüni ykjam we erjel kollektiw hökmünde görkezdi» diýip, Russiýanyň komandasynyň resmi saýty («volgar-fc.ru») ýazýar.
Bu oýunda iki tarapam howply pursatlary döretdi. Ýöne türkmen futbolçylaryndan tapawutlylykda garşydaşlarymyz öz mümkinçiliklerini elden gidermediler.
Netijede 27-nji minutda Ruslan Bolow hasaby açdy. 73-nji minutda bolsa Mingiýan Beweýew hasaby 2:0-a ýetirdi.
Duşuşygyň galan wagtynda hasap üýtgemedi.