Aşgabat, 8-nji ýanwar. «Türkmenportal».
Türkmenistanda maýyl günleriň ornuna az wagtlyk sowuk günler geler. Eger 7-nji ýanwarda tebigat bize gyşyň örküjinde hakyky ýazyň gününi peşgeş beren bolsa, 8-nji ýanwar güýz howasyny ýatlatdy. “Яндекс”-iň habar bermegine görä, 9-njy ýanwarda gyş öz hökümini ýöreder, hatda az wagtlyk gar hem ýagar. Ozal habar berşimiz ýaly, 26-njy noýabrda Aşgabatda ilkinji gar ýagypdy.
“Яндекс”-iň maglumaty boýunça aýazly howa bary-ýogy 3 gün dowam eder. 12-nji ýanwardan ýene-de maýyl günler başlanar, ýöne ol şu hepdäniň başyndaky ýaly yssa ýakyn maýyl howa däldir.
