«Altyn asyr» — «Ahal» — 0:0.
Ikinji aýlawda: 1 — 2
Aradaşlyk üýtgemedi: Deňlik «Ahal» bilen «Altyn asyryň» ýaryş tertibindäki utuk aralygyny şol durkunda saklady. Indi «Ahal» «aragatnaşykçylaryň» öňde duran duşuşyklarynyň netijesine garaşmaly bolýar.
Aslynda-da...: 4-nji tapgyr gollara baý tapgyr bolmady. Tapgyrda mundan öňki üç duşuşykda-da bary-ýogy 5 gol bar.
Deňlik bilen didarlaşdy: Şeýlelikde, «Altyn asyr» möwsümdäki ilkinji deňlik bilen didarlaşdy. Indi çempionatda duşuşyklary deňlikde tamamlanmadyk ýekeje topar hem galmady.
Ýubileý duşuşyk: Şu tapgyrda «Ahal» Ýokary ligadaky 510-njy duşuşygyny geçirdi.
Goşmaça: Gol ýok, ýöne göreniňe degýän duşuşyk boldy. Biziň pikirimizçe, duşuşygyň ýyldyzy «Ahalyň» «10-lygy» Merdan Gurbanow. Duşuşyk, esasan, meýdanyň ortasyndaky söweş görnüşinde geçdi. Wahyt Orazsähedow, Myrat Ýagşyýew, Altymyrat Annadurdyýew, Arslanmyrat Amanow ýaly hüjümçiler bolsa, köplenç, ýarym goragçylara, käte bolsa goragçylara-da kömege gelmeli boldular. Esasanam, «Ahalyň» hüjümçisi Wahyt Orazsähedow garaşylanyndan juda pes oýny orta goýdy.